Platforma për menaxhimin e karbonit: si duket dhe si punon
Karbon360 është platformë për menaxhimin e karbonit. Nga faturat që kompania i ruan gjithsesi, ajo ndërton një inventar të emetimeve të gazrave serrë që e pranojnë banka, blerësi ose verifikuesi.
Nga fatura e furnitorit deri te shifra që pranon klienti, të dhënat kalojnë katër hapa: futen në sistem, llogariten saktë, kontrollohen dhe dalin në formatin që ju kërkohet. Ja si funksionon secili hap.
Si i merr platforma të dhënat nga faturat
Skanoni faturën e furnitorit, shkruajeni me dorë ose importoni një skedar CSV. Platforma lexon furnitorin, matësin dhe periudhën e faturimit. Kur është më pak se 90% e sigurt për diçka, ju kërkon ta konfirmoni. Dokumenti burimor mbetet i lidhur me regjistrimin, sepse ky dokument është prova që kërkon ai që i kontrollon të dhënat.
Platforma ju udhëheq sipas kategorisë: Scope 1 (emetimet direkte nga djegia në objektet tuaja), Scope 2 (emetimet nga energjia elektrike që blini) dhe Scope 3 (emetimet e tjera në zinxhirin e vlerës). Askush nuk ka pse ta dijë vetë nëse një faturë nafte shkon te Scope 1 apo te Scope 2. Për çdo objekt shihni cilët muaj mungojnë, para se mungesa të bëhet vrimë në inventar.
- Skanim, futje me dorë ose import CSV
- Dokumenti burimor i lidhur me regjistrimin
- Muajt që mungojnë, për çdo objekt
Nga totali i emetimeve deri te litri i naftës
Ndajini emetimet sipas Scope, sipas burimit dhe sipas objektit. Pastaj hapni çdo grup dhe shihni lëndët djegëse dhe aktivitetet një nga një, me numrin e regjistrimeve pas çdo shifre. Në çdo rresht shihni sa zë Scope 1, Scope 2 dhe Scope 3 nga totali. Nga çdo shifër kaloni drejt te regjistrimet prej nga doli.
Cilësia e të dhënave: një vlerësim pa zbukurime
Cilësinë e matim veç e veç për çdo kriter dhe nuk e përmbledhim në një notë të vetme. Një notë e tillë do të varej nga peshat që zgjedhim ne, dhe këtë nuk do ta mbronim dot para një verifikuesi. Problemet e gjetura renditen sipas asaj se sa e ndryshojnë totalin e raportuar. Platforma ju tregon sa nga emetimet janë të matura, sa të llogaritura dhe sa të vlerësuara. Një tabelë mbulimi tregon çdo muaj, për çdo objekt, që është ende bosh.
Ata që i kontrollojnë të dhënat në mënyrë të pavarur zakonisht presin që të paktën 90% e emetimeve të kenë dokument pas. Platforma e mat këtë përqindje gjatë gjithë kohës. Kështu problemet i zgjidhni muaj më parë, jo kur dosja është në tavolinën e kontrollit.
Për çdo shifër shihni si është llogaritur
Hapni cilindo regjistrim dhe e gjeni gjithë zinxhirin: sasinë siç është futur, faktorin e emetimit me versionin e tij, rillogaritjen e pavarur në server, nivelin e dokumentimit dhe dokumentin burimor. Nëse një shifër e ruajtur nuk përputhet më me faktorin në sistem, platforma e shënon për kontroll dhe nuk e ndryshon pa e thënë. Një korrigjim i heshtur është pikërisht ajo që kërkon verifikuesi.
Një inventar për çdo raport që ju kërkohet
Paketa e të dhënave CBAM për blerësin, përgjigjet për pyetësorin e klientit ose inventari sipas GHG Protocol për bankën dalin të gjitha nga të njëjtat të dhëna. Prandaj nuk ndryshojnë nga njëri-tjetri dhe nuk bien ndesh kur dikush i krahason.
Raportet eksportohen në anglisht, për blerësin në BE që i kërkoi. Vetë platforma punon në shqip dhe në anglisht.
- Paketa e të dhënave CBAM si furnitor
- Përgjigjet për pyetësorin e klientit
- Inventari sipas GHG Protocol për bankën
Pyetjet më të shpeshta
A më duhet ekip i posaçëm për qëndrueshmërinë që ta përdor?
Jo. Platforma është ndërtuar për menaxherin e financave ose të operacioneve, që i ka faturat në dorë dhe të cilit i kanë kërkuar një shifër. Çdo hap ju udhëheq, dhe kategoritë i zgjedh platforma për ju.
Çfarë më duhet për të filluar?
Faturat e energjisë për një muaj dhe sasia e prodhimit. Mjafton për një rezultat të parë Scope 1 dhe Scope 2 për një objekt, ku për çdo shifër shihni si është llogaritur.
Një inventar për çdo raport që ju kërkohet.
Sillni faturat e energjisë për një muaj dhe sasinë e prodhimit. Mjafton për një rezultat të parë Scope 1 dhe Scope 2 për një objekt, ku për çdo shifër shihni si është llogaritur.