Problemet më të shpeshta në Karbon360 dhe si i zgjidhni
Këtu janë problemet që përdoruesit hasin më shpesh në Karbon360, me shkakun e mundshëm dhe zgjidhjen. Në shumicën e rasteve fajin e ka njësia, periudha ose një faturë e futur dy herë.
Problemi, shkaku dhe zgjidhja
Nëntë problemet që shohim më shpesh
Zakonisht: njësia, periudha ose një regjistrim i dyfishtë| Problemi | Shkaku i mundshëm | Zgjidhja |
|---|---|---|
| Skanimi lexoi muajin e gabuar. | Ka marrë datën e lëshimit të faturës. | Para se ta ruani, ndryshojeni periudhën në muajin e konsumit. |
| Skanimi nuk lexoi asgjë. | Fotografia është e paqartë ose fatura ka format të pazakontë. | Bëni sërish foton në dritë të mirë ose ngarkoni PDF-në. Përndryshe futeni me dorë dhe bashkëngjitni skedarin. |
| Një muaj del 1,000 herë më i lartë. | Njësia është ngatërruar (MWh të shkruara si kWh, litra si m³). | Ndryshoni njësinë te regjistrimi. |
| Rryma duket e dyfishuar. | E njëjta faturë është ngarkuar dy herë. | Fshini regjistrimin e dyfishtë. |
| Një regjistrim shënohet “nuk përputhet”. | Rezultati i ruajtur nuk del njësoj me rillogaritjen. | Hapeni, kontrollojeni dhe ruajeni sërish. Nëse shenja mbetet, na kontaktoni. |
| Një objekt nuk shfaqet në lista. | Mund të jetë arkivuar. | Riktheheni nga lista e objekteve. |
| Nuk shtohet dot një objekt tjetër. | Keni arritur numrin e objekteve që lejon plani juaj. | Na kontaktoni për të kaluar në një plan më të madh. |
| Lidhja e regjistrimit ka skaduar. | — | Kërkojini Karbon360 ose partnerit tuaj një ftesë të re. |
| Email-i për ndryshimin e fjalëkalimit nuk erdhi. | — | Shikoni te spam-i dhe kontrolloni nëse adresa është e saktë. Çdo lidhje funksionon vetëm një herë, ndaj kërkoni një të re. |
Pyetje që na bëjnë shpesh
A mund t’i ndryshoj faktorët e emetimit? Jo. Faktorët vijnë nga biblioteka rajonale që e mirëmbajmë ne, që secili të ketë burim, version dhe të mund të mbrohet para kujtdo. Nëse mendoni se një faktor është gabim, na shkruani dhe dërgoni burimin.
A ndryshojnë shifrat e vitit të kaluar kur përditësohet një faktor? Jo. Çdo regjistrim ruan versionin e faktorit me të cilin është llogaritur.
A ua japim të dhënat e mia të tjerëve? Të dhënat tuaja të konsumit dhe të prodhimit janë tuajat. Nuk ndahen me askënd, përveç kur ju dërgoni një raport ose një eksport.
Si të na shkruani për ndihmë
Shkruani në info@karbon360.tech. Na tregoni objektin, muajin dhe regjistrimin, çfarë prisnit të shihnit, dhe bashkëngjitni një pamje ekrani.
Mos na dërgoni kurrë fjalëkalimin.
Lexoni më tej
- Gjurmimi i llogaritjes: si kontrollohet përputhja
- Kontrolli mujor: si i shmangni që në fillim shumicën e këtyre problemeve
Doni ta trajnoni ekipin tuaj për Karbon360?
Bëjmë trajnime praktike për ekipet e financave dhe të operacioneve, me të dhënat tuaja, në shqip ose në anglisht. Trajnimi paguhet veç dhe oferta bëhet për çdo ekip. Na shkruani kush duhet të mësojë dhe çfarë, dhe ne ju dërgojmë një propozim.
Pyetjet më të shpeshta
Skanimi lexoi muajin e gabuar. Çfarë bëj?
Skanimi ka marrë datën e lëshimit të faturës. Para se ta ruani, ndryshojeni periudhën në muajin e konsumit.
Një muaj del 1,000 herë më i lartë.
Njësia është ngatërruar, për shembull MWh të shkruara si kWh, ose litra si m³. Ndryshoni njësinë te regjistrimi.
Rryma duket e dyfishuar.
Me shumë gjasë e njëjta faturë është ngarkuar dy herë. Fshini regjistrimin e dyfishtë.
Një objekt nuk shfaqet në lista.
Mund të jetë arkivuar. Riktheheni nga lista e objekteve.
Shumica e problemeve vijnë nga njësia, periudha ose një regjistrim i dyfishtë.
Një kontroll i shkurtër çdo muaj i zbulon para se të hyjnë në raport. Kur diçka prapë nuk duket në rregull, na shkruani me objektin, muajin dhe regjistrimin.