Vendi
cakton faktorin e emetimit të rrjetit elektrik për Scope 2 (emetimet nga energjia elektrike që blini). Nëse e gaboni, ndryshon shifra juaj më e madhe.
Akademia · Udhëzues përdorimi
Si t’i regjistroni objektet për inventarin e emetimeve
Në Karbon360 çdo regjistrim i përket një objekti: fabrikës, magazinës ose zyrës. Prandaj, para se të futni ndonjë të dhënë, regjistroni objektet, të gjitha. Edhe plani juaj caktohet sipas numrit të objekteve.
Hap pas hapi
Si regjistrohet një objekt, hap pas hapi
01
Shtoni objektin
Hapni Objektet (Ndërtesat) dhe zgjidhni Shto objekt.
02
Të dhënat bazë
Plotësoni të dhënat bazë: emrin, llojin e ndërtesës (zyrë, magazinë, fabrikë), adresën, qytetin dhe vendin.
03
Të dhënat e ndërtesës
Shtoni sipërfaqen në m², numrin e kateve dhe vitin e ndërtimit. Nga sipërfaqja llogaritet intensiteti për m² që shfaqet në pamjen e përgjithshme, prandaj mos e lini bosh.
04
Energjia
Shënoni si e përdor objekti energjinë: burimet kryesore dhe dytësore, sistemin e ngrohjes ose të ftohjes dhe furnizimin me ujë. Kështu Karbon360 e di cilat të dhëna duhet të vijnë, dhe kutia e veprimeve ju tregon çfarë mungon.
05
Ruani dhe vazhdoni
Ruajeni dhe bëni të njëjtën gjë për çdo objekt tjetër.
Fushat
Pse ka rëndësi secila fushë
Sipërfaqja (m²)
përdoret për intensitetin në kg CO₂e për m², një shifër që bankat e kërkojnë shpesh.
Burimet e energjisë
caktojnë cilat regjistrime mujore pret kutia e veprimeve.
Lloji i ndërtesës
i grupon objektet në pamjen e emetimeve dhe në raport.
Kontrolli, arkivimi dhe kufiri i planit
Të dhënat e objektit mund t’i ndryshoni kur të doni. Para se të raportoni, përdorni Valido te objekti për të parë nëse i ka të gjitha të dhënat për periudhën. Plani juaj caktohet sipas numrit të objekteve. Nëse ju duhet një objekt më shumë se sa lejon plani, kontaktoni mbështetjen për ta kaluar në një plan më të madh.
Eksportuesit që i nënshtrohen CBAM-it duhet ta regjistrojnë çdo instalim prodhimi (në gjuhën e CBAM: fabrika ose impianti ku prodhohet malli) si objekt më vete, edhe kur dy instalime kanë të njëjtën adresë. CBAM kërkon të dhëna për çdo fabrikë veç e veç, dhe emetimet e integruara të secilës raportohen veçmas.
Hapat e radhës
- Lista e kontrollit për inventarin e emetimeve: çfarë duhet të mblidhni së pari
- Skanimi i faturave të rrymës: hapi i radhës
Doni ta trajnojmë ekipin tuaj për Karbon360?
Bëjmë trajnime praktike për ekipet e financave dhe të operacioneve, me të dhënat tuaja, në shqip ose në anglisht. Trajnimi paguhet veç, me ofertë për çdo ekip. Na tregoni kush duhet të mësojë dhe çfarë, dhe ju dërgojmë një ofertë.
Questions
Pyetjet më të shpeshta
Çfarë quhet objekt?
Çdo vend që ka konsumin e vet të energjisë: fabrika, magazina, zyra. Si rregull i thjeshtë: një objekt për çdo vend që ka faturën e vet të rrymës.
Po nëse e kemi mbyllur ose shitur një objekt?
Mos e fshini, por arkivojeni. Objekti i arkivuar e ruan historikun, prandaj raportet e kaluara mund të nxirren sërish njësoj. Ai nuk shfaqet më te detyrat mujore. Një objekt i arkivuar mund të rikthehet.
Lexoni edhe këto
Lista e kontrollit për inventarin e emetimeveGjithçka që duhet të mblidhni para se të filloni.Skanimi i faturave të rrymësFaturën e lexon platforma, nuk keni pse ta shkruani me dorë.Scope 1: lëndët djegëse dhe emetimet e procesitSi futen të dhënat për lëndët djegëse, gazrat ftohës dhe proceset.Si përdoret Karbon360E gjithë puna, nga hyrja e parë deri te raporti i parë.Fillimi me Karbon360Objekti i parë, fatura e parë dhe raporti i parë.
Regjistroni çdo objekt një herë, dhe çdo e dhënë shkon në vendin e vet.
Një objekt për çdo vend me faturën e vet të rrymës, me vendin e saktë, që platforma të zgjedhë faktorin e duhur të rrjetit.